Faruk Tasholli - Flamuri im

FLAMURI IM

(për Lorikun, Balën, Xhakën...)

I shpaluar ky flamur
Fluturon duke valuar
Mbi qiell t'armikut plak
Valë-valë i bekuar!

Fluturon ku i ka trimat
Fluturon u bie në dorë,
Për një çast ndal vetëtimat

A është engjëll a shqiponjë?!

Ky flamur që nuk përdhoset
Ky flamur i kuq i zi,
E thërret djalin e Kosovës
Që ta mbrojë me krenari.

Po ku bie flamur i bukur
Djali grushtin e bën gur,
- Po s'të çova prapë në qiell,
Dal e vetë bëhem flamur!