Pamja në Paris, e përfaqësuesve fetarë nga Shqipëria është Shqipëria reale e tanishme.
Në të gjitha trojet jemi të shtrirë në tri mënyra të besimit. Komentone si të doni etnogjenezen e besimeve fetare, të gjitha janë të ardhura nga vende tjera. Asnjëra nuk ka lindur në Shqipëri. Të besuarit, u konsiderua civilizim dhe ne besuam në të vetmin Zot, që është për të gjithë. Edhe pse ky besim është ndarje e familjes, të parët tanë ishin shumë të kujdesshëm në virtytin njeri, besim, gjenezë. Kjo filozofi e ka mbijetuar këtë popull nga aq shumë pushtuas, nga aq shumë sindrome të huaja. Dhe, jemi ku jemi, të paktën shqiptarë, në shtete, me gjuhë e kulturë.
Dhe, sot në Paris, pamja krahë për krahu, ishte mesazh se prijësit fetarë kanë rëndësi të madhe në edukim të masës. Sot në Paris, ata, i dhanë civilizimit shembullin e paqes. Shembullin se shëmtinë duhet refuzuar. E shëmtuar është çdo gjë që njeriun e bën materie shpenzuese, për qëllime ideologjike.
Shqipëria është kampione në këtë aspekt, në Ballkan. Është lider për demokraci.
Sot në Paris, të katër prijësit ecën me gjakun shqiptarë. Petkun fetarë, vetëm sa për dekor identifikues të unitetit, e mbajtën sa për të treguar se fetë janë besime për mendjen.
Gjenetika është diçka tjetër. Gjenetika është familja shqiptare me etnikumin e vetë, brenda jorganit të vetë. Dikush, ndoshta shumëkush, sa luftë po bën, të na shkatërroje këtë virtyt. Dhe, mos thoni se nuk ia kanë arritur deri dikund. Por, mos ta lejojmë të shkojë më tej.
11. 01. 2015
Keine Kommentare:
Kommentar veröffentlichen