Zejnepe Alili - Rexhepi

Zejnepe Alili - Rexhepi është e lindur më 16 janar 1973, në Reçicë të Vogël - Tetovë. Mësimin fillestar e merr në shkollën fillore “Istikball” në Tetovë, për të kryer më pas shkollën e mesme, gjimnazin “Kiril Pejçinoviq”, poashtu në Tetovë. Në vitin 1997 i mbaron studimet në Fakultetin Filologjik, dega: Gjuhë Shqipe dhe Letërsi, pranë Universitetit “Shën Kirili dhe Metodi” në Shkup. Në vitin 1997 punon në shkollën fillore “Abdyl Frashëri” të Bogovinës - Tetovë. Një vit më pas, punon si profesoreshë në gjimnazin e Tetovës, deri më 2007. Nga viti 2007 është ligjëruese, në Katedrën e Gjuhës dhe Letërsisë Shqipe, pranë Universitetit Shtetëror të Tetovës.
Në vitin 2008, magjistron në temën “Figura e gruas në veprën e Sterjo Spasses”, në Fakultetin Filologjik - Departamenti i Letërsisë, pranë Universitetit të Prishtinës.
Mbron temën e doktoratës: “Karakteri i personazhit të gruas në veprën e Migjenit dhe G. Flober-it”, në Fakultetin F...ilologjik, në Universitetin “Shën Kirili dhe Medodi”, në Shkup, në vitin 2010.
Me shkrime fillon të merrem që në moshë të hershme e deri tani ka publikuar: poezi, ese, udhëpërshkrime, vështrime letrare, etj. Shkrimet për të rinj, herë pas here i boton nëpër gazeta dhe revista, si: “Flaka”, “Fakti”, “Shpallja”, “Tribuna shkencore”, “Drita”, “Jehona”, “Shqiptarja”, “Cogito”, “Ndryshe”, “Haiku”, etj.
Një kohë e udhëheq revistën Gjimnazisti (revistë kulturoro - argëtuese për të rinj), të gjimnazit të Tetovës. Gjithashtu, boton shkrime të ndryshme dhe përkthime duke qenë edhe kryeredaktore e revistës kulturoro-argëtuese për të rinj “Drita”.

Para lexuesve prezantohet me veprat:

Peng loti (poezi) - Tetovë, 1998;
Ëndërr shtegtuese (poezi) - Shkup, 2000;
Ujëvara e syrit (poezi) - Tetovë, 2007;
Ëndërr shtegtuese (botimi II), (poezi) - Tetovë, 2007;
Figura e gruas në veprën e Sterjo Spasses (studim shkencoro - letrar), Tetovë, 2009;
Nën pushtetin e Erosit (poezi)– Tetovë, 2011.
Gruaja te Migjeni dhe Floberi (studim shkencoro - letrar), Tetovë, 2011.

 
Është përfshirë në disa antologji:

Bibliografia e letërsisë shqiptare për të rritur në Maqedoni 1953 – 1997, Tetovë, 1998;
Antologji e lirikës së dashurisë - Poetët shqiptarë, Tetovë, 2001;
Nektari i shpirtit shqiptar - Antologji poetike për Çamërinë, Elbasan, 2007;
Poezia art i fjalës - Antologji e poezisë shqipe, Manifestimi poetik “Pushkin”, Shkup, 2008;
Antologjia e poezisë shqipe, Manifestimi poetik “Ditët e Naimit’, Shkup, 2008;
Poezia në mes dy verave –Manifestimi poetik Mbrëmjet Strugane të Poezisë, Strugë, 2008;
Poem Between two summers, Struga poetry evenings, Shkup, 2008;
Letërsia shqiptare në Maqedoni - Poezi II, “Mikena”, Manastir, 2009.
“100 poet për 100 vjet atdhe”, “Arbëria desing”, Tetovë, 2012.


Kliko dhe lexo ==>> Poezi nga Zejnepe Alili - Rexhepi