Rruga e parë:
Sonte
Zymtësisë së qiejve
Yjet janë strukur mjegullnajave
Jeta e bërë xhuxhë
Kollite e vjellë gjak
Gjunjëzohet
Koha si gjarpër i dredhur
Rebelohet
Thimthonë ardhëmrinë
Gracka venë udhëtimeve tona
Litar për vetvarrje
Rruga e dytë:
Kah jam nisur kaq i dërmuar
Me këtë strajcë dhembjesh
Rrugëve të mallit tim të shfrenuar
Kam etje kam uri
Me sopat të ndryshkur
Djajt copëtojnë
Degëzat e shpresave tona të molisura
Unë kërkoj yllin tim të tretur
E bëhem si peshk i ngordhur
Lumit të ëndërrave të mia
Rruga e tretë:
Një qen endacak leh
Turi fëlliqur
Përtypet e shkumëzon vrerë
Kockave të përjargura
Mbeturinave të kohëligës
Rruga e katërt
Fanarët qenkan fikur
Evropa pështynë fytyrë e vet
Lakuriq lodron
Si derr i sëmurë kuis
Gjykatoreve të kohës
Jeta murmurinë e pranguar
Gjykatësit vjellin vrer mbi kode
Xhindet ankthin thellojnë
Rrugëve tona
Karnavale bëjnë
Mijtë grimcojnë kohën e lëmekur
Ujërat e jetës i fëlliqin
Rruga e pestë:
Durimi po soset mik
Qelbësira të kohës duke pastruar
Nuk jetohet në nevojtore
Si mizat në bythën e kalit
Rruga e gjashtë:
Tiktaku i orës është ndalë
Koha nuk matet më me shpresa
E kotësi fjalësh
Ëndërrave të ngrira
Ku qent urinojnë
Rruga e shtatë:
Sa ethshme kur dëgjon
Ofshama mashtruesish
Thëmbët më të fortë se ujku i ndan
Na kafshojnë shpresat
Këmbonareve mortore kurdo i bijnë
Betohen në emër të popullit
Në emër të zotit
Për drejtësinë e tyre të rrejshme
Rruga e tetë :
Në të majtë u ktheva
Prapë ulërima
Në të djathtë
Këlthitje
Macet grithnin pasqyrat e kohës
Katran shkumëzonin
Teja jetën grimconte
Hija ime e gjymtuar
Me lotin e ngrirë syrit
gjëmonte
Rrugëtim i ethshëm
Keine Kommentare:
Kommentar veröffentlichen