Albert Pepkolaj

Albert Pepkolaj  ka lindur në Kthellë Epër Mirditë në 1980,familja e tij e varfër dhe e persekutuar nga sistemi komunist në vitin 1988 shpërngulet nga Kthella e Epër dhe kalon me banim në Përlat Qendër Mirditë.Ai dhe familja e tij jetuan deri në 1997 në Përlat Qendër dhe për të shmangur problemet tokësore me pronarët e rinj të saj në ardhjen e demokracisë,shpërngulen në Rrashbull Durrës.Ai vazhd...oi studimin e mesëm në Shkozet Durrës deri në përfundim të tij. Problemet finaciare dhe nevojat e jetës e detyrojnë të emigrojë jashtë vendit në drejtim të Greqisë. Pamundësia për të ndjekur arsimin e lartë,dhe vështirësitë e shumta në jetë,nuk e ndaluan atë të ndjekë pasionin e tij që nga adoleshenca, poezinë e krijimtarinë. Mbas dhjetë vitesh në emigrim në vitin 2009 arrin të botojë librin e tij të parë me poezi, titulluar “Kështu lindi vjeshta”.

 

 

Albert PEPKOLAJ

 

LINDJA E VJESHTËS

Në pemën shekullore
ishte një gjethe.
Gjatë gjithë kohës
fishkëllente
nga përkëdhelja
e erës lozonjare.

Të tjera gjethe
xheloze u bënë
dhe e këputën.
E diellit
i mungoi muzika,
e era s`kishte
kë të përkëdhelte.

Si për t`u hakmarrë
dielli i thau
të gjelbrat gjethe,
e era furishëm fryu,
të gjitha i këputi.

Kështu lindi vjeshta.

 

 

 

SHËTITJA

Heu si ushtoi amfiteatri
nga buzëqeshja jote Teutë,
gjithë Durrësi ktheu kokën
me habi na panë.

Ç’do malësori që
me mbretëreshën shoqnohet?!

Ti qeshe më shumë
krahun më hodhe n’qafë,

“Pa mal s’ka fushë”-më the,
me hare duke më mbushë. 

BOSHLLËKU

Më sygjeruan një pallat,
që dhoma kishte plot.

Në një ditë se shihje dot,
se dhoma kishte të pamat.

Fillova atë të eksploroj,
nga dhoma në dhomë të shkoj.

Më mbytën dhomat boshe,
dhe pse,i dola nga qoshja në qoshe.